Pavlodarda jeke kásipkerdiń 90 tonna shóbi janyp ketti

PAVLODAR. QazAqparat – Pavlodar oblysynda kásipkerdiń 90 tonna shóbi janyp ketti, dep habarlaıdy QazAqparat tilshisi.

«12 qazanda 20 saǵat 46 mınýtta Pavlodar qalasy, Soltústik ónerkásiptik aımaq, 2394 mekenjaıynda órt bolyp jatqany týraly habarlama kelip tústi. «Beıbitova» jeke kásipkerliginiń qorshalǵan ashyq aýmaqta ornalasqan býylǵan 90 tonna shóbi órtendi. Aýmaǵy 280 sharshy metr», - dep habarlady Pavlodar oblysy Tótenshe jaǵdaılar departamentiniń baspasóz qyzmetinen.

TJD oqıǵa eń jaqyn ornalasqan mamandandyrylǵan № 1 órt sóndirý bólimshesinen 8 shaqyrym jerde bolǵanyn atap ótti. Órt búgin tańerteń, saǵat 07.29-da sóndirildi.

«Órttiń shyǵý sebebi men keltirilgen shyǵyn anyqtalýda. Oqıǵa ornynda jeke quramnan 16 adam jáne 5 tehnıka jumys istedi, zardap shekkender joq», - dedi departamentte.

Avtory: Anton Gagarın