Pavlodarda jaz bastalǵaly 10 adam sýǵa ketken

<p>PAVLODAR. KAZINFORM - Tilsiz jaýdyń qurbany bolǵandardyń ekeýi &ndash; bala. Jazataıym oqıǵaǵa kóbine adamdardyń arnaıy jabdyqtalmaǵan oryndarda shomylýy sebep bolǵan.</p>

Bıyl Ertistiń Pavlodar óńirindegi sý aıdyndarynda 47 jaǵajaı resmı túrde jumys istep tur. Olardyń 27-si - kommýnaldyq menshiktegi jaǵajaılar.

Óńirlik tótenshe jaǵdaılar departamenti mamandarynyń aıtýynsha, turǵyndar arasynda túsindirý jumystary turaqty júrgizilgenine qaramastan, jazataıym oqıǵalar sany azaımaı tur. Jyl basynan beri 10 adam sýǵa ketken. Olardyń ekeýi - bala. Maýsym aıynda Baıanaýyldaǵy Toraıǵyr kólinde aǵaıyndy eki bala sýǵa batyp ketkeni týraly jazǵan bolatynbyz.

«Adamdardyń sýǵa ketý oqıǵalaryna kóbine arnaıy jabdyqtalmaǵan oryndarda shomylýy sebep bolady. Máselen, 20 shilde kúni Pavlodar qalasynda 1973 jylǵy er adam Ertis ózeniniń shomylýǵa tyıym salynǵan jerinde sýǵa túsip, qaıǵyly jaǵdaıǵa tap boldy. Kýágerlerdiń aıtýynsha, ol mas bolǵan. Marqumnyń múrdesi 24 shilde kúni ózenniń tómengi aǵysynan, 20 shaqyrym jerden tabyldy», - dep habarlady Tótenshe jaǵdaılar departamentinen.

Eske sala keteıik, elimizde sýǵa túsip, kóz jumyp jatqan bala sany kúrt kóbeıdi.