Pavlodarda jaıylyp júrgen ıesiz jylqylar jol apatyna sebepshi boldy
Mal ıeleriniń óz múlkine nemquraıly qaraýy kóbine qaıǵyly saldarǵa ákeledi. Iesiz mal jol apatyna jıi sebep bolady.
1 tamyz saǵat 00.20-da «Omby - Maıqapshaǵaı» avtojolynyń 537-shaqyrymynda, Aqqýly aýylynyń mańynda «Mıtsýbısı Karızma» markaly avtokólik júrgizýshisi kenetten jolǵa shyqqan jylqylardy qaǵyp ketken. Kólik salonynda eki jolaýshy bolǵan. Adamdar zardap shekken joq.
Polıtsııa qyzmetkerleri tórt jylqyny Aqqýly aýdanynyń aıyp turaǵyna qamady. Iesiz júrgen maldyń ıesi anyqtaldy. Ol - sharýa qojalyǵynyń basshysy. Iesine qatysty QR ÁQBtK 408-baby 2-bóligi boıynsha ákimshilik hattama toltyryldy. 10 AEK kóleminde aıyppul salyndy.
Aıta ketý kerek, kólik ıesi materıaldyq shyǵyndy óteý úshin atalǵan mal ıesine azamattyq tártipte sotqa júginýge quqyly.
Pavlodar oblysynyń avtojoldary men jazǵy jaıylymdarynda polıtsııa qyzmetkerleri ıesiz maldy anyqtaý boıynsha turaqty negizde reıd júrgizedi.
Jyl basynan beri polıtsııa qyzmetkerleri baqylaýsyz jaıylyp júrgen 8280 maldy aıyp turaǵyna qamady. Onyń ishinde iri qara - 4066, jylqy - 1233 jáne usqa mal – 2989.
Oblys aýmaǵynda malǵa arnalǵan 139 aıyp turaǵy jumys isteıdi.