Pavlodarda jaıylymnan 22 jylqy urlaǵan jigit arada bes aı ótkende qolǵa tústi
Oblystyq polıtsııa departamenti taratqan málimetke sensek, onyń ishinde qaraýsyz júrgen 32 mal ıesi jaýapkershilikke tartylǵan.
Sondaı-aq tıisti qujatsyz mal men et ónimderin tasymaldaýdyń 11 faktisi anyqtaldy.
Budan basqa, oblys aýmaǵynda buryn jasalǵan mal urlyǵy ashyldy.
- Mysaly, Sharbaqty aýdanynda bıyl mamyr-maýsym aılary aralyǵynda Galkıno aýylynyń mańynda erkin jaıylymnan 22 bas jylqy urlady degen kúdikpen 29 jastaǵy aýyl turǵyny ustaldy. Shyǵyn shamamen 5 mln teńgeni qurady. Kúdikti qamaýda. Urlanǵan mal úsh jábirlenýshige qaıtaryldy, - dedi Pavlodar oblysy polıtsııa departamenti krımınaldyq polıtsııa basqarmasynyń bastyǵy Balǵabaı Qaparov.
Pavlodar aýdanynyń polıtsııa qyzmetkerleri qyrkúıek aıynda Alekseevka aýylynyń jaıylym jerlerinen úsh iri qara mal basyn urlap, jalpy somasy 900 myń teńge shyǵyn keltirgen 52 jastaǵy aýyl turǵynyn ustady.
Maı aýdanynda jedel ýákilder buryn shopan bolyp jumys istegen 50 jastaǵy jergilikti turǵyndy qolǵa túsirdi.
Ol 2013 jyldyń tamyz aıynda jaıylym ýchaskesinen eki qoı men bir jylqy urlady dep kúdikke ilingen.
Shyǵyn - 260 myń teńge.
Barlyq aıyptalýshylarǵa qatysty Qazaqstan Respýblıkasy QK 188-1-baby boıynsha sotqa deıingi tergeý júrip jatyr.
Pavlodar oblysynyń polıtsııa departamenti janýarlardy qaraýsyz qaldyrmaýdy, qashalar oryndaryn qorǵaý quraldarymen jabdyqtaýdy jáne eger urlyq oryn alsa, dereý polıtsııaǵa júginýdi usynady, sebebi ýaqyt ótken saıyn urlanǵan maldy jáne qylmyskerlerdi tabý qıynǵa soǵady.
Eske sala keteıik, «Mal urlyǵy» jedel aldyn alý sharasy 24 qarashaǵa deıin jalǵasady.