Pavlodarda jasóspirim sýǵa batyp ketti

PAVLODAR. QazAqparat – Pavlodarda sýǵa batyp ketken kolledj stýdentiniń denesi tabyldy, dep habarlaıdy QazAqparat Pavlodarnews.kz saıtyna silteme jasap.

Oblystyq TJD baspasóz qyzmetiniń málimetinshe, saǵat 15.33-te qashyqtan basqarý pýltine Ýsolka kópiriniń mańynda adam sýǵa batyp bara jatqany týraly habarlama túsken. Oqıǵa ornyna jedel-qutqarý jasaǵynyń 5 qyzmetkeri eki qutqarý qaıyǵymen shyqqan. Sondaı-aq, tórt medıtsınalyq qyzmetker, 7 polıtsııa qyzmetkeri jáne TJD úsh qyzmetkeri jumyldyrylǵan.

«Ókinishke qaraı, jasóspirim qutqarýshylar jetkenge deıin sýǵa batyp ketti. Іzdeý jumystary júrgizildi. Saǵat 16.06-da súńgýirler 2006 jyly týǵan stýdenttiń denesin jaǵadan 20-25 metr qashyqtyqta, 2-3 metr tereńdikten tapty», - dedi departamentten.

Ol úsh adammen birge demalyp, belgilenbegen jerde shomylǵan. Marqum sýǵa bata bastaǵanda dosy oǵan qaraı júzip, alyp shyǵýǵa tyrysqan. Jastardyń aıtýynsha, olar alkogoldi ishimdikter ishpegen.