Pavlodarda jas bıznesmenderdiń jazǵy mektebi óz jumysyn aıaqtady
«Pavlodar oblysynyń jas býynyn tárbıeleýdiń tujyrymdamasy jáne «Rýhanı jańǵyrý» baǵdarlamasynyń sheńberinde ótken oqý jylynda «Bala business» jobasy iske asyryldy», - dedi baspasóz qyzmetinde.
M.M.Kataev atyndaǵy Oqýshylar saraıynda «Bala business holiday» jas bıznesmenderdiń mektebi jumys istedi. Oqytý baǵdarlamasynda bıznes-bapkerlerdiń jáne koýcherlerdiń trenıngteri, óńirdiń aldyńǵy qatardaǵy bıznesmenderimen kezdesýler qarastyryldy. Jas qatysýshylar óz jobasynyń tusaýkeserin tıimdi jasap jáne tabysqa jetý joldary týraly Innovatsııalyq Eýrazııa ýnıversıtetiniń oqytýshysy, psıhologııa ǵylymynyń kandıdaty, dotsent Tatıana Kravtsovanyń qyzyqty koýchınginen zerdelendi. Al INEÝ dekany, ekonomıka ǵylymdarynyń kandıdaty, dotsent, «Kásipkerlik ýnıversıtet» jobasynyń jetekshisi Zýbırash Smaǵulova ekonomıkalyq startap jobalaryn qurý qupııalarymen bólisti. Jas bıznesmendermen kezdesýde kásibı fotograf, jarnama jáne polıgrafııa ortalyǵynyń dırektory Aleksandr Parhomenko óz bıznesin qalaı qurý jáne alǵa qoıǵan maqsatqa jetý týraly baıandap berdi. Oqýshylar saraıynyń pedagogteri Evgenııa Ledeneva, Elena Mırzoıan jáne Pavel Serbınenko «Dekýpaj», «Akva-grım» jáne ózge de oqýshylarǵa qyzyqty sheberlik-synyptar ótkizdi. Oqýlardan soń S.Toraıǵyrov atyndaǵy PMÝ startap Akademııasynyń murajaıyna jáne Oqýshylar saraıynyń observatorııasy men planetarııge ekskýrsııa uıymdastyryldy.
«Meniń stýdenttermen jumys isteý tájirıbem oqýshylarǵa bıznes - josparlaryn ázirleý boıynsha trenıng ótkizýge múmkindik berdi. Bul balalardyń tyń ıdeıalary men qyzyqty oılary bar. Kishkentaı jasyna qaramastan olardyń óz josparlary men esepteri óte keremet. Olardyń jobalary bizdiń ulttyq dástúrlerimizdi, ádet-ǵuryptarymyzdy saqtaýǵa baǵyttalǵan. Ulttyq ónimderdi, ulttyq oıý-órnegi bar buıymdardy óndirýge baılanysty jobalar erekshe. Mysaly, «Han talapaı» jobasy qarjylandyrýǵa daıyn jáne úlken suranysqa ıe bolady. Barlyq jobalar iske asyrylǵanyn qalaımyn», - dedi Zýbırash Smaǵulova. Jas bıznesmender mektebiniń barlyq qatysýshylary sertıfıkattarǵa ıe boldy.