Pavlodarda jantúrshigerik kólik apatynan 16 jasar qyz bala qaıtys boldy

<p>PAVLODAR. KAZINFORM &mdash; Pavlodardyń qaq ortasynda bolǵan jol-kólik apatynan kámelet jasyna tolmaǵan qyz bala kóz jumdy. Taǵy eki jasóspirim túrli jaraqat alǵan. Onyń biri jansaqtaý bólimshesinde jatyr.</p>

Oblys ortalyǵyndaǵy Nazarbaev dańǵylynda jol-kólik apaty bolyp, saldarynan 16 jasar qyz bala qaıtys bolyp ketti. 

Bul týraly bala quqyqtary jónindegi óńirlik ýákil Sáýle Shákenova habarlady. 

— Túngi ýaqytta Nazarbaev dańǵylynda jantúrshigerlik jol-kólik apaty bolyp, 16 jasar jolaýshy qyz bala oqıǵa ornynda qaza tapty. Taǵy eki kámelet jasyna tolmaǵan jasóspirim zardap shekken. Onyń biri — 15 jasar qyz bala aýyr jaǵdaıda aýrýhanaǵa jetkizilip, ota jasalǵan. Qazirgi ýaqytta jansaqtaý bólimshesinde jatyr. Al 14 jasar er bala ómirine qaýip tóndirmeıtin jaraqattarmen emdeý uıymyna jetkizildi», - dep málimdedi S. Shákenova.

Apat kezinde kámelet jasyna tolmaǵandardyń janynda zańdy ókilderi bolmaǵan. Oqıǵanyń mán-jaıy anyqtalyp jatyr.

Eske sala keteıik, bıyl tamyz aıynda Aqtóbede kólik órtenip, 10 jastaǵy qyz bala janyp ketti.