Pavlodarda jańbyrǵa baılanysty egis jumystary keshigip jatyr

<p>PAVLODAR. KAZINFORM &mdash; Ertis-Baıan óńiriniń dıqandary egis naýqanyn maýsym aıynyń basynda aıaqtaıdy dep boljanyp otyr. Jańbyrly kúnderge baılanysty kóp jerlerde tuqym sebý, ylǵal jabý jumystary tejelip qaldy.</p>

Buǵan deıin jergilikti aýyl sharýashylyq ınstıtýty dıqandarǵa maıly jáne dándi daqyldardy egýdiń ońtaıly merzimi mamyr aıynyń sońyna deıin júrgizilýi kerek dep keńes bergen. 

Alaıda sońǵy aptalardaǵy salqyn kúnder men jańbyrdyń bastalyp ketýi sharýashylyqtardaǵy tuqym sebý jumystaryn tejep qoıdy.

«Bıyl fermerlerge kesteden keshigýige týra kelip tur. Jer ábden toıynǵan, topyraqta ylǵal mol. Ertis pen Jelezın aýdandarynda nóser jańbyr jaýyp, tehnıkalar eki kún turyp qaldy. Dıqandar tuqym sebe almaı otyr. Osy ýaqytqa deıin mejelengen jospardyń 39 paıyzy ǵana oryndaldy. Egis jumystary shamamen maýsym aıynyń alǵashqy onkúndiginde aıaqtalady», - dedi Kazinform tilshisine bergen suhbatynda oblystyq aýyl sharýashylyǵy basqarmasy ósimdik sharýashylyǵy bóliminiń basshysy Esentaı Múrsálimov.

Qazgıdromet mekemesiniń mamandary kelesi aptada oblys aýmaǵynda nóser jańbyrlar júrip ótetinin málimdedi. Sondyqtan keıbir óńirlerde keshigýler birazǵa deıin jalǵasýy yqtımal.

Bıyl oblystaǵy egis tanaptarynyń aýmaǵy 1,6 mln gektardy quraıdy dep boljanyp qoıdy.

Bul ótken jylmen salystyrǵanda 20 myń gektarǵa kóp.