Pavlodarda jańadan ashylǵan IT mektepte oqýǵa 260 oqýshy nıet bildirdi

PAVLODAR. QazAqparat - Toraıǵyrov ýnıversıtetiniń bazasynda aqparattyq tehnologııalar salasyna qajetti mamandardy daıarlaıtyn oqý mekemesi ashyldy. Qazirgi tańda Pavlodar oblysynyń 260 turǵyny jańa mektepte bilim alýǵa tilek bildirdi, dep habarlaıdy QazAqparat.

Joba Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrliginiń, Pavlodar oblysy ákimdiginiń jáne Eurasian Resources Group korporatsııasynyń qoldaýymen júzege asyryldy.

IT-mektepte oqytý ІT salasynyń baǵyttary men mamandyqtary boıynsha júrgiziledi.

Munda qysqa merzim ishinde jeke kompanııalar úshin mamandardy daıarlap, frılans boıynsha jumys istegisi keletinder oqı alady.

Jańa oqý mekemesiniń tuńǵysh bilim alýshylaryn beıindik mınıstrliktiń basshysy Baǵdat Mýsın beınekonferentsbaılanys arqyly quttyqtady.

- IT-mektep Memleket basshysynyń 2025 jylǵa deıin aqparattyq tehnologııalar salasy úshin 100 myń maman daıarlaý týraly tapsyrmasynyń sheńberinde ashylyp otyr, - dedi ol. – Qazaqstanda «Tsıfrlandyrý, ǵylym jáne ınnovatsııalar esebinen tehnologııalyq serpilis» ulttyq jobasy iske qosyldy. Osy joba sheńberinde Pavlodar birinshi bolyp ІT-mektep ashyp otyr. Sizderdi osy qýanyshpen quttyqtap, mekteptiń ujymy men oqýshylaryna tabys tileımin.

Aımaq basshysynyń orynbasary Cáken Shaıahmetov Pavlodar oblysynda aqparattyq tehnologııalar men tsıfrlandyrý salasyn damytýǵa baǵyttalǵan aýqymdy bilim berýdiń aýqymdy ekojúıesi júzege asyrylyp jatqanyn atap ótti.

- Bári de mektep qabyrǵasynan bastalady, sondyqtan óńirimizde byltyrdan bastap robototehnıka jáne ІT synyptar ashylǵan «Zamanaýı mektep» baǵdarlamasy júzege asyrylyp jatyr, - dep atap ótti ol. – Mundaı zamanaýı mektepterde balalarǵa bolashaqta qajetti daǵdylar úıretiledi. Eger, bala IT salamen aınalysqysy kelse, onyń birneshe joldary bar. Onyń biri kelesi jyldyń basynda ashylatyn Aqparattyq tehnologııalar kolledjine oqýǵa túsý bolyp tabylady. Qazir kolledj ǵımaratynda jóndeý júrgizilip, qural-jabdyqtar jańǵyrtylyp, bilim alýshylarǵa qosymsha sıpattaǵy daǵdylardy úıretý úshin oqý ádistemeleri qaıta qaralyp jatyr. Sonymen birge, osy jyldan bastap Toraıǵyrov ýnıversıtetinde Computer Science fakýlteti jumysyn bastady. Bul oqıǵa óńirimiz úshin asa úlken mańyzǵa ıe.

Jańa bilim mekemesiniń resmı ashylýyna Toraıǵyrov ýnıversıtetiniń rektory Erkin Sadyqov pen «BTS Education» kompanııasynyń basshysy Saıasat Nurbek te qatysty.

Qurmetti qonaqtar bastaýshy aıtıshnıkterge mektepte oqýǵa quqyq beretin sertıfıkattardy tabystady.

Shákirtter veb-qurastyrý, Data Science, 3D-modeldeý, VR-qosmyshalar qurastyrý, SMM jáne basqa da baǵyttar boıynsha bilim alady.

Qazirgi tańda mektepte bilim alýǵa 260 tyńdaýshy tirkeldi.