Pavlodarda jańa týǵan balasyn óltirgen áıel 8 jylǵa sottaldy

PAVLODAR.QazAqparat - Áıeldiń kinási qylmystyq is materıaldary, saraptama qorytyndysy jáne kýágerlerdiń aıǵaqtarymen dáleldendi, dep habarlaıdy QazAqparat Pavlodarnews.kz saıtyna silteme jasap.

№2 sottyń baspasóz qyzmetiniń habarlaýynsha, 2022 jyldyń 28 qazanynda oblys ortalyǵynyń turǵyny jańa týǵan ulyn tynyshtandyramyn dep edenge qulatyp alǵan.

«Osydan keıin ol ashý ústinde qasaqana balanyń mańdaıy men basynyń artqy jaǵyna judyryǵymen eki soqqy bergen. Bala bassúıek-mı jaraqaty túrindegi dene jaraqatyn alǵan. Aýyr dene jaraqatynyń saldarynan náreste mert boldy», - dedi №2 sotta.

Áıel bala densaýlyǵyna qasaqana aýyr zııan keltirý kinásin moıyndamaı, bas bostandyǵynan aıyrmaýdy surady.

Sot pavlodarlyq áıeldi 8 jylǵa bas bostandyǵynan aıyrý jazasyn qylmystyq-atqarý júıesiniń qaýipsizdigi ortasha mekemesinde óteýge jaza taǵaıyndady.

Úkim zańdy kúshine engen joq.