Pavlodarda jalǵan zeınetkerlerge járdemaqy resimdegen laýazymdy tulǵalar sottaldy

NUR-SULTAN. QazAqparat – Taldyqorǵan qalasyndaǵy áskerı gospıtaldiń burynǵy bastyǵy men atalǵan gospıtaldiń burynǵy bas medbıkesine qatysty aýyr sybaılas jemqorlyq qylmys jasaý kúdigi boıynsha tergeýdi bastady. Bul týraly onlaın brıfıngte Agenttiktiń 1-shi departamentiniń asa mańyzdy ister jónindegi aǵa tergeýshisi Danııar Bıgaıdarov aıtty, dep habarlaıdy QazAqparat tilshisi.

«Pavlodar oblysy boıynsha Sybaılas jemqorlyqqa qarsy qyzmet Pavlodar oblysynyń Eńbek, áleýmettik qorǵaý jáne kóshi-qon departamentiniń, Pavlodar oblysy boıynsha zeınetaqy tóleý jónindegi memlekettik ortalyqtyń laýazymdy tulǵalarynyń jáne 2005 jyldan beri bıýdjet qarajatyn iri mólsherde urlaýmen aınalysqan basqa da tulǵalardyń quqyqqa qaıshy qyzmetiniń jolyn kesti», - deıdi Agenttiktiń 1-shi departamentiniń asa mańyzdy ister jónindegi aǵa tergeýshisi Danııar Bıgaıdarov.

Onyń aıtýynsha, Joǵaryda atalǵan qyzmetkerler uzaq ýaqyt boıy júıeli negizde ózderiniń laýazymdyq ókilettikterin paıdalana otyryp, 150 myńnan 500 myń teńgege deıingi aqshalaı syıaqy úshin Pavlodar oblysynyń is júzinde zeınetkerlik jasqa jetpegen turǵyndaryna zeınetaqy tólemderin zańsyz resimdegen.

«Olarǵa zeınetaqy jalǵan qujattar, onyń ishinde ıadrolyq polıgon aımaǵynda turǵany týraly kýálandyratyn muraǵattyq anyqtamalar jáne kóp balaly analar úshin balanyń týýy týraly qujattar negizinde taǵaıyndaldy. 2018 jyldan bastap 2020 jylǵa deıingi tergep-tekserý kezeńinde zańsyz zeınetaqylardy zańsyz resimdeýdiń 100-den astam faktisi anyqtalyp, nátıjesinde memleketke keltirilgen zalal 110 mln teńgeni qurady. Onyń ishinde sotqa deıingi tergeý barysynda 80 mln teńgeden astam qarajat óteldi», - deıdi ol.

Onlaın brıfıngte aıtylǵandaı, Sot qarastyrýynyń nátıjesi boıynsha istiń bas fıgýranttary – Eńbek departamentiniń bas mamany Smaǵulova, ZTMO dırektory Beısenbaev, ZTMO dırektorynyń orynbasary Lýkashova 4 jylǵa bas bostandyǵynan aıyryldy. Jalǵan zeınetkerlerge ártúrli jazalar taǵaıyndalady.