Pavlodarda Zerek-2 kamerasy qysqa ýaqytta 60 mln teńgeniń zań buzýshylyǵyn anyqtady

<p>PAVLODAR. KAZINFORM - Aqparattyq júıeler 20 mamyrdan bastap Pavlodar-Omby jáne Pavlodar-Qalbataý avtojoldarynda jumys isteı bastaǵan. Nebári 10 kúnniń ishinde júrgizýshilerge 60 mln teńgeden astam aıyppul salyndy.</p>

ZEREK-2 júıesiniń sertıfıkattalǵan apparattyq-baǵdarlamalyq kesheni buǵan deıin Pavlodar-Astana baǵytynda jumys istep tursa, endi ol Omby men Qalbataý baǵyttaryndaǵy kúre joldardyń boıynda da ornatylǵan.

— Bul keshen kólik quraldarynyń qozǵalys jyldamdyǵyn avtomatty rejımde ólsheýge, quqyq buzýshylyqtardy tirkeýge, memlekettik tirkeý nómirlik belgilerin tanýǵa jáne odan ári aqparatty QR Bas prokýratýrasynyń ákimshilik óndiristeriniń biryńǵaı tizilimine derekter bazasyna berýge arnalǵan. Onda aıyppul tóleý qajettiligi týraly nusqama elektrondyq tásilmen tirkeledi. Pavlodar-Omby, Pavlodar-Qalbataý avtojoldarynda 20 mamyrda ornatylǵan ZEREK-2 júıesi aınaldyrǵan 10 táýliktiń ishinde jalpy somasy 60 mln teńgeden asatyn jol júrý erejelerin buzýshylyqty anyqtady, - dep habarlady Pavlodar oblysy polıtsııa departamenti ákimshilik polıtsııasynyń bastyǵy Borıs Álimbaev.

Máselen, Pavlodar-Omby avtojolynda Toyota lc 300 avtokóliginiń júrgizýshisi belgilengen qozǵalys jyldamdyǵynyń sheginen 92 km/saǵatqa asyp túsken. Kóliktiń kamerada tirkelgen jyldamdyǵy — saǵatyna 192 km. Al bul jolda ruqsat etilgen jyldamdyq — saǵatyna 100 km.

Eske sala keteıik, Jambyl oblysynda jol erejesin buzǵan boryshkerlerden 49 mln teńge óndirildi.