Pavlodarda zańsyz eńbek etip júrgen 81 sheteldik azamat anyqtaldy

<p>PAVLODAR. KAZINFORM - Óńir aýmaǵynda júrgizilgen &laquo;Zańsyz kelýshi&raquo; jedel aldyn alý sharasynyń nátıjesinde polıtseıler zańsyz eńbek qyzmetin júzege asyrǵan sheteldikterdi anyqtap, jumys berýshilerdi jaýapkershilikke tartty. Olardyń barlyǵy tıisti qujatsyz júrgen.</p>

Eńbek mıgranttaryn paıdalanýǵa tyıym salynǵanyna qaramastan josyqsyz jumys berýshilerdiń kóshi-qon zańnamasyn buzýy tyıylar emes.

«Polıtseıler tórt kún ishinde 81 sheteldik pen 23 jumys berýshini anyqtady. Mysaly, Pavlodar qalasyndaǵy bir qurylys nysanynda jumys istep júrgen Ózbekstan Respýblıkasynyń 11 azamaty ustaldy. Olar jergilikti fırmada árleýshi bolyp eńbek etken. Mundaı jaǵdaı taǵy bir jeke kásipkerlikten de anyqtaldy. Atalǵan faktiler boıynsha QR Halyqtyń kóshi-qon salasyndaǵy zańnamasyn buzǵany úshin ákimshilik materıaldar toltyrylyp, sotqa joldandy», - dep habarlady Pavlodar oblysynyń Polıtsııa departamentinen.

Kóshi-qon salasyndaǵy zańnamany buzǵany úshin jeke kásipkerlerge 100 aılyq eseptik kórsetkish mólsherinde aıyppul salyndy. Ózbekstan Respýblıkasynyń úsh azamatyna 25 aılyq-eseptik kórsetkish mólsherinde aıyppul salynyp, bireýine elden shyǵarý túrinde jaza qoldanyldy. 

Foto: Pavlodar oblysy PD

Jalpy «Zańsyz kelýshi» jedel aldyn alý sharasynyń sheńberinde 191 sheteldik anyqtalyp, ákimshilik jaýapkershilikke tartyldy. Sheteldikterdiń kelgeni týraly habarlamaǵany úshin 73 qabyldaýshy jaýapqa tartyldy. Sottarǵa 136 materıal jiberilgen.

Eske sala keteıik, Qazaqstanǵa kelgen sheteldik mıgranttar kóbinde qurylys salasynda jumys isteıdi.