Pavlodarda zaǵıptardyń qazaq tilin úırenýine arnalǵan oqýlyq jaryq kórdi
«Ana tili» ortalyǵynyń dırektory Sholpan Kınjıkova avtorlyq eńbeginiń atalmysh sanattaǵy múgedekter úshin kóp kómek ekenin atap ótti. - Bul sanattaǵy múmkindigi shekteýli jandar barshylyq, - dedi Sholpan Kınjıkova. - Munyń barlyǵy saǵattap kóz almaı otyratyn tehnologııalardyń kesirinen. Osy máselege kóz jumyp qaraýǵa bolmaıdy. Kitap shyǵarý jóninde ortalyǵymyzǵa bul sanattaǵy múgedek tobyna jatatyn syıly adam ótinish bildirgen bolatyn. Ideıa sol jannan týdy dese de bolady. Ózderi nıet bildirip otyrǵandyqtan qol qýsyryp qarap qalmaý kerek. Qoǵamnyń kómektesip jatqanyn bilip, júrekterinde senim uıalaıdy».
Sholpan Kınjıkovanyń aıtýynsha, kitap arnaıy Braıl qarpimen basylǵan. Іshinde qazaq tilin úırenýge arnalǵan sabaqtar bar. Oǵan qosa, maqal-mátelder, jańyltpashtar engizilgen. Qarjylandyrý «Ana tili» ortalyǵynyń tarapynan jasaldy. Sonymen qatar bul oqýlyqtyń 2018 jyly taǵy 50 danasyn basyp shyǵarý josparlanǵan. Naýryz aıynan bastap atalmysh sanattaǵy múgedekterge arnaıy kýrstar uıymdastyrylyp, sabaqtar ótkizilmek.
Aıta ketelik, jańadan shyqqan 12 dana oqýlyq tolyǵymen qoldan basylǵan. Oǵan Braıl júıesin meńgergen Pavlodar qalasyndaǵy zaǵıptar men kózderi nashar kóretinderge arnalǵan arnaıy kitaphananyń eki mamany kómektesken.