Pavlodarda úılerin sý basqan otbasylarǵa jańa baspana turǵyzyla bastady

<p>PAVLODAR. KAZINFORM - Demeýshiler qarajaty esebinen Jalaýly aýylynda 5 jeke úıdiń qurylysy bastalyp ta ketti. Taǵy 9 úıdiń ıeleri baspanalaryn jóndeýge aqshalaı ótemaqy aldy.</p>

Memleket basshysy Qasym-Jomart Toqaev sý tasqynynan zardap shekken azamattarǵa keltirilgen zalaldy jedel túrde óteýdi jáne olardyń turǵyn úılerin qalpyna keltirýdi tapsyrǵany málim. Pavlodar oblysynda sý tasqyny boıynsha jaǵdaı turaqtalyp, eldi mekenderge keltirilgen zalaldy esepteý, retke keltirý jumystary júrgizilip jatyr.

Buǵan deıin topan sýdyń áleginen Aqtoǵaı aýdanynyń Jalaýly aýylynda tótenshe jaǵdaı jarııalanǵany týraly habarlaǵanbyz 

Foto: Konstantına Shelkova

Qutqarýshylar kúni-túni eńbektenip, úlken qazańshuńqyrlar qazyp, eldi mekenge kirgen sýdyń biraz bóligin aǵyzyp jiberdi. Jaǵdaı durystalǵan soń atalǵan Jalaýlydaǵy tótenshe jaǵdaı alynyp tastaldy.

Jalaýly aýylynda sý tasqynynan 14 úıge zaqym kelgen. Arnaıy komıssııa 5 úıdi jóndeýge kelmeıdi dep tanyp otyr. 

- Mundaǵy sý basqan 9 úıdiń ıesi tolyq aqshalaı ótemaqy aldy. Al jóndeýge kelmeıtin apatty jaǵdaıdaǵy 5 úıdiń ıesi osy jazda jańa baspanaǵa qonystanatyn bolady. Olar úshin jańa 5 turǵyn úıdiń qurylysyn bastadyq. Úılerdi salý boıynsha barlyq shyǵyndardy ERG toby óz moınyna aldy. Qurylysty 3 aıdyń ishinde aıaqtaý josparlanyp otyr,-dep habarlady Pavlodar oblysynyń ákimi Asaıyn Baıhanov.

Foto: Konstantına Shelkova

Óńir basshysynyń aıtýynsha, aýylda úsh qazanshuńqyrdyń qurylysy jalǵasýda. Sondaı-aq, shilde aıynyń sońyna deıin Jalaýlyda 6 shaqyrym bóget salynady. Bul sharalar aýyldy qarǵyn sý basý máselesin birjola sheshýge arnalǵan.

Eske sala keteıik, Pavlodarlyq qutqarýshylar Soltústik Qazaqstan oblysyna kómekke attandy.

Keıingi 11 jylda alǵash ret Ertis jaıylmasynyń 90 paıyzyn sý basady.