Pavlodarda úshinshi ret «Dombyra Party» ótti
Oblystyq jastar bastamalaryn damytý ortalyǵynyń mamany Orazbek Baqythannyń aıtýynsha, atalmysh shara sońǵy 3-4 jyl aralyǵynda elimiz boıynsha keńinen taralyp keledi. - Bul shara basynda estafeta retinde el aýmaǵynda jaıylyp ketti, - dedi Orazbek Baqythan. - Bizdiń óńirde ár jyl saıyn Asyl Ábish, Jarqynbek Amantaı aǵalarymyzdyń bastamasymen ótkizilip júrgen. Mundaǵy basty maqsat - halyq ánderin, kúıdi, dombyrany nasıhattaý. Bul - eshqandaı baıqaý emes. Halyq kóp jınalatyn oryndarda ánshiler, kúıshiler dombyralaryn alyp baryp óz ónerlerin kórsetedi. Nıet bildirgen adamdar da oınaı alady».
Bıylǵy «Dombyra Party» sharasyna alty kúıshi, bes ánshi qatysty. Eki saǵatqa jalǵasqan jıynda kórermender áýezdi án men kúmbirli kúıler tyńdap, rýhanı demalyp qaıtty.