Pavlodarda úshem dúnıege keldi

<p>PAVLODAR. KAZINFORM — Pavlodardaǵy oblystyq perıtanaldyq ortalyqta úshem dúnıege keldi. Úsheýi de ul bala. Ata-anasy sábılerine Kárim, Ámir, Taıyr degen esimder berdi.</p>

Bul týraly oblystyq perınataldyq ortalyqtan habarlady.

— Anasy Zarına Mámbetova buǵan deıin bir qursaq kóterip, er balaǵa jaryq dúnıe syılaǵan. Endi otbasyn birden úsh er bala tolyqtyryp otyr. Úshem aman-esen dúnıege keldi. Alǵashqy bolyp týǵan Kárimniń salmaǵy — 2020 gramm, odan soń Ámir (2200 gramm), eń sońynda Taıyr (1660 gramm) dúnıege keldi. Anasy olardy júktiliktiń 34-shi aptasynda bosanǵanyn aıtyp ótken abzal. Qazir anasynyń jaǵdaıy da qalypty, — dep málimdedi perınataldyq ortalyqtan.

Nárestelerdiń anasy mektepte ustaz bolyp qyzmet atqarsa, ákesi munaı-hımııa zaýytynda eńbek etedi. 

— Qazir biz Kárim ekeýimiz jańa týǵan nárestelerdiń patologııasy bólimshesinde jatyrmyz. Kárim qajetti em qabyldap jatyr, jaqyn arada aǵalarynyń qataryna qosylady. Al joldasym úıde sábılerin asyǵa kútip otyr. Joldasym ekeýimiz sábılerimizdi baǵyp-qaǵý qıyndyǵynan qoryqpaımyz. Bizdiń ómirimizdegi eń ǵajaıyp kezeńniń biri bolǵaly tur. Sondyqtan balalardyń ákesi jumysynan bala kútimi boıynsha demalys resimdeýdi josparlap otyr. Oblystyq perınataldyq ortalyǵynyń ujymyna aman-esen bosandyryp alǵany, úsh ulymdy da dúnıege saý ákelgeni úshin sheksiz rızashylyǵymyzdy bildiremiz. Munda óz isiniń mamandary eńbek etetinine kózimiz jetti, — deıdi úshemniń anasy

Eske sala keteıik, Pavlodarda analardyń úı jaǵdaıynda bosanýy beleń alyp barady.