Pavlodarda úsh birdeı astyq keptirgishte órt shyqty

<p>PAVLODAR. KAZINFORM &mdash; Fermerlik sharýashylyqtarda astyq keptirgishtiń órtenýi jıilep ketti. Negizgi sebep &mdash; elektr qondyrǵylaryn paıdalaný kezinde órt qaýipsizdigi erejelerin saqtamaý, jabdyqtyń qyzyp ketýi.</p>

Pavlodar óńirinde sońǵy aptalarda astyq keptirgishterdiń órtený oqıǵalary jıilep ketti. Órt sóndirý bólimderi úsh shaqyrtýǵa shyǵyp, astyq qambalaryn aman alyp qaldy.

— Ýspen aýdany Kovalevka aýylynda astyq keptirgishtiń órtengeni týraly habarlama kelip tústi. Shaqyrý ornyna dereý shyqqan órt sóndirýshiler sharýashylyq aýmaǵyndaǵy astyq keptirý shahtasynda kúnbaǵys dáni qabyǵynyń tútindegenin anyqtady. Qyzmetkerlerimiz órtti jedel joıdy. 17-ÓSB kúshteri men quraldary tartyldy. Oqıǵanyń sebebi anyqtalyp jatyr, — dep habarlady Pavlodar oblysy tótenshe jaǵdaılar departamentiniń baspasóz qyzmetinen.
Taǵy eki derek Aqtoǵaı aýdanynda tirkelgen.

Foto: Pavlodar oblysy tótenshe jaǵdaılar departamenti

Tótenshe jaǵdaı ókilderiniń sózinshe, astyq keptirý kezinde joǵary temperatýradan jáne dánderdiń úıkelisinen shań paıda bolady. Bul keıde órt kózine aınalýy múmkin. Kúnbaǵys dáninde maıdyń deńgeıi joǵary bolǵandyqtan, tuqymdardy durys saqtamaý bul ónimderdiń ózdiginen tutanýyna ákelýi yqtımal.

Foto: Pavlodar oblysy tótenshe jaǵdaılar departamenti

Astyq keptirý jabdyǵyn qaýipsiz paıdalanýdy qamtamasyz etý jáne órttiń aldyn alý úshin órt qaýipsizdigi sharalaryn saqtaý qajet. Sondyqtan astyq keptirýshiler jabdyqtardyń, elektronıkanyń jáne qaýipsizdik júıeleriniń jaı-kúıin únemi tekserip otyrǵany abzal.

Eske sala keteıik, bıyl Pavlodar oblysynda rekordtyq astyq jınaldy.