Pavlodarda túrmede jazasyn ótep jatqan azamat qalyńdyǵyn aıttyryp, shańyraq kóterdi

<p>PAVLODAR. KAZINFORM — Erli-zaıyptylardyń nekesi tergeý ızolıatorynda qıylyp, jergilikti AHAT ókili QR «Neke jáne otbasy týraly» Kodeksine sáıkes barlyq qajetti rásimderdi ótkizgen. Er adam bostandyqqa shyqqan soń neke júzigin almasýǵa serttesti.</p>

Pavlodar oblysy boıynsha qylmystyq atqarý júıesi departamentiniń baspasóz qyzmeti bul sottalýshylar arasyndaǵy kezekti neke ekenin, mundaı shańyraq kóterý rásimderi álsin-álsin bolyp turatynyn habarlady.

Sottalýshy J. ótken jyldyń qarasha aıynda, qalyńdyǵy júktiliktiń 5 aıynda nekelesýge usynys jasaǵan.

Foto: Pavlodar oblysy boıynsha qylmystyq atqarý júıesi departamenti

Biraq saltanatty jaǵdaıda nekelesýge úlgermegen. 

Jýyqta sábıi dúnıege kelgen soń jup zań júzinde otbasyn qurýdy uıǵarǵan. 

«Er adam densaýlyqqa zııan keltirgeni úshin isti bolyp, 3 jylǵa sottalǵan. Jalpy sottalýshylardyń neke qııýy — túzeý mekemelerinde bolyp turatyn oqıǵa. Mundaı jaǵdaı jazasyn ótep jatqan azamattarǵa jaǵymdy túrde áser etedi. Olardyń tártibi durystalyp, tezirek bostandyqqa shyǵýǵa talaptanady», deıdi departament bastyǵynyń tárbıe jónindegi orynbasary Arman Muqanov.