Pavlodarda turǵyn úılerge jylý berile bastady

PAVLODAR. QazAqparat - Pavlodar oblysynda jylytý maýsymy bastaldy. Bul týraly óńirlik kommýnıkatsııalar qyzmetinde ótken baspasóz máslıhatynda oblystyq energetıka jáne turǵyn úı-kommýnaldy sharýashylyq basqarmasynyń basshysy Erjan Imanzaıpov málim etti, dep habarlaıdy pavlodarnews.kz.

«Keshe kópqabatty úılerge jylý berile bastady. Pavlodar qalasynda 85 úı jylýǵa qosylsa, Ekibastuzda 35 úı qosyldy. Al, Aqsý qalasynda búgin bastaldy»,- dedi Erjan Imanzaıpov.

 Jospar boıynsha 1 qazanǵa deıin kópqabatty úıler 100 paıyz jylýǵa qosylady. «Pavlodar jylý jelileri» JShS bas dırektorynyń orynbasary Sergeı Panıhınnyń aıtýynsha, qazirgi kezde Pavlodar qalasynda 65 úı jylý maýsymyna múlde daıyn emes. Olarmen ákimdik pen TÚKSh bólimi jumys jasaýda.

Aıta keteıik, búgingi tańda oblystaǵy 2422 kópqabatty úıdiń 1710-y, ıaǵnı 70 paıyzy jylý maýsymyna daıyn.