Pavlodarda tramvaıdy saqtap qalý qajet - Memleket basshysy

ASTANA. QazAqparat – Memleket basshysy Qasym-Jomart Toqaev Pavlodar qalasyndaǵy tramvaı júıesin damytýdy jalǵastyryp, quramdardy jańartýdy jedeldetý qajettigin aıtty, dep habarlaıdy QazAqparat Aqordaǵa silteme jasap.

«Pavlodar – tramvaı júretin sırek qalanyń biri. Almatyda travmaı júrdi, eshkimge kedergi keltirmedi, biraq ony qaladan alyp tastaý týraly sheshim qabyldady. Aýqymdy jumys júrgizildi, relster joıyldy, endi Almaty tramvaısyz qaldy. Tramvaı qalanyń sımvoly bolǵanyn atap ótý kerek. Menińshe, Pavlodarda tramvaıdy saqtap qalý qajet.

Eger qajet bolsa, joldardy jańǵyrtyp, jańa, dybyssyz, tramvaılar satyp alý kerek shyǵar. Biraq travmaı – ózinshe tartymdy kólik túri. Eýropanyń kóptegen damyǵan qalalarynda tramvaılar kedergisiz júredi. Bul – kóptegen jergilikti turǵyndar unatatyn ekologııalyq jáne yńǵaıly kólik. Tramvaı júıesin damytýdy jalǵastyryp, quramdardy jańartýdy jedeldetý kerek», - dedi Prezıdent Pavlodar jurtshylyǵymen kezdesýinde.

Foto: wikipedia.org