Pavlodarda tramvaı adamdy mert qyldy: Júrgizýshi qashyp ketken

PAVLODAR. QazAqparat –Pavlodarda tramvaı jaıaý adamdy qaǵyp, mert qyldy. Relsti kóliktiń júrgizýshisi apat ornynan ketip qalǵan. QazAqparat bul týraly POLISIA.KZ-ke silteme jasap habarlaıdy.

«29 maýsym kúni saǵat 22:27 shamasynda qala polıtsııasyna Máshhúr Júsip – M.Gorkıı kósheleriniń qıylysynda tramvaı vagonynyń júrgizýshisi 58 jastaǵy jaıaý júrginshini qaǵyp ketkeni týraly habarlama tústi.

Jol apaty saldarynan jaıaý júrginshi alǵan jaraqattarynan oqıǵa ornynda qaza boldy.

Oqıǵadan keıin júrgizýshi qozǵalysyn jalǵastyryp, apat ornynan ketip qalǵan.

Osy fakti boıynsha polıtsııa QR Qylmystyq kodeksiniń 345-baby 3-bóligi boıynsha sotqa deıingi tergep-tekserýdi bastady.

Qajetti saraptamalar taǵaıyndaldy. Tramvaı anyqtaldy, tekserildi jáne mórlendi», - delingen polıtsııa málimetinde.