Pavlodarda TMD elderinde joq joba júzege asyrylýda
«PAVLODARENERGO» AQ kompanııalar tobyndaǵy ınvestıtsııalyq jobalardy júzege asyrý aıasynda atalmysh agregatta joǵary jáne ortasha qysym tsılındrleri men generator aýystyrylmaq. Qaıta jóndeýden keıin týrbınanyń paıdaly jumys koeffıtsıenti artyp, jumysyn anaǵurlym únemdi etedi.
«Búginde diril oqshaýlaǵyshta bolat jaqtaýlardy ornatý jáne irilendiretin qurastyrý jumystary aıaqtalyp, generatordyń statory ornyna qoıyldy», - deıdi JEO-3 dırektory Igor Grınev.
Energetıkterdiń aıtýlaryna qaraǵanda, atalǵan joba Qazaqstanda ǵana emes, TMD keńistiginde tuńǵysh ret júzege asyrylýda. Jumystar 2018 jyldyń qazan aıynda aıaqtalady dep josparlanýda. Nátıjesinde týrboagregat qýaty 110 MVt-tan 125 MVt-qa artady. JEO-3-te oryndalyp jatqan taǵy bir iri joba dep №2 tútin qubyrynyń qurylysyn atap ótýge bolady. Qazirgi kezde qubyr irgetasyn qurylysyna qajet barlyq ázirlik jumystary aıaqtaldy. Qurastyrý jáne elektrtehnıkalyq jumystardyń barlyǵy 2021 jylǵa deıin támamdalady dep kútilýde.
Jańa tútin qubyry JEO-3 stantsııasyn keńeıtýge jaǵdaı jasaıdy. Joǵary atalǵan eki jobanyń jalpy quny 2,9 mıllıard teńge.