Pavlodarda tergeý ızolıatoryna jiberilgen sálemdemeden uıaly telefon tabyldy

<p>PAVLODAR. KAZINFORM - 49 jasar azamat qurma salynǵan qorapqa ishinde SIM kartasy bar uıaly telefondy muqııat jasyrýǵa tyrysqan. Sálemdemeni qabyldaý kezinde rengten apparaty jasyrylǵan zatty anyqtap berdi.</p>

Pavlodar oblysy boıynsha Qylmystyq-atqarý júıesi departamentiniń №63 mekemesinde sottalǵandarǵa sálemdemelerdi qabyldaý jáne jetkizý kezinde rentgen apparatynyń kómegimen paıdalanýǵa tyıym salynǵan zattar anyqtalyp, tárkilendi. 

«49 jastaǵy pavlodarlyq azamat ákelgen qurma qorabynan asa uqyptylyqpen ishine oralǵan telefon men SIM karta tabyldy. Tyıym salynǵan sálemdemeni sottalýshynyń tanysy ákelgen. Tekserý tobynyń qyraǵylyǵynyń atalǵan zattar anyqtalyp, tárkilendi. Quqyq buzýshyǵa qatysty ákimshilik hattama toltyryldy. Materıaldar sotqa jiberildi. Sottalǵandarmen jáne olardyń týystarymen mekemege barǵan kezde tyıym salynǵan zattardy berýge bolmaıtyny týraly turaqty negizde áńgime júrgiziledi. Alaıda kelýshiler zań aldyndaǵy jaýapkershilikterine qaramastan, mundaı quqyq buzýshylyqtarǵa barady»,-deıdi №63 mekeme basshysy Berik Rahymov.

Eske sala keteıik, Pavlodarda túrmede jazasyn ótep jatqan azamat qalyńdyǵyn aıttyryp, shańyraq kóterdi.