Pavlodarda tehnıkalyq qyzmet kórsetý ortalyǵy kóliktermen birge otqa orandy

<p>PAVLODAR. KAZINFORM - Tilsiz jaý kólik boksyndaǵy 150 sharshy metr jerdi sharpyǵan. Órt sóndirýshiler ǵımarat ishinen gaz ballonyn alyp shyǵyp, jarylystyń aldyn aldy.</p>

Oblys ortalyǵynda tehnıkalyq qyzmet kórsetý ortalyǵy órtendi. Ǵımarat ishinde bolǵan 2 kólik jáne qural-saımandar janǵan. 

Foto: Pavlodar oblysy TJD

«7 maýsym kúni saǵat 04.33-te 101 pýltine Pavlodar qalasy Transportnaıa kóshesinde ornalasqan TQO boksy janyp jatqandyǵy týraly habarlama kelip tústi. Oqıǵa ornyna jedel jetken órt sóndirýshileri bir qabatty boks ishinde 2 avtokóliktiń, jabdyqtar men saımandardyń janyp jatqanyn anyqtady. Oqıǵa ornynda Pavlodar oblysy tótenshe jaǵdaılar departamentiniń 5 birlik tehnıkasy jáne jeke quramnan 19 adam jumys istedi. Órt saǵat 04.52-de oqshaýlanyp, 05.02-de joıyldy», - dep habarlady Pavlodar oblysy Tótenshe jaǵdaılar departamentinen.

Órttiń aýdany 150 sharshy metr bolǵan. Tilsiz jaýdan zardap shekkender joq. Qazirgi ýaqytta oqıǵanyń sebebi men keltirilgen shyǵyn anyqtalyp jatyr.

Eske sala keteıik, Pavlodarda ákim syılaǵan ishimdikke toıyp alǵan er adam úıin de, áıelin de órtep jiberdi.