Pavlodarda tegin qazaq tili kýrstary ashyldy

PAVLODAR. QazAqparat - Pavlodar qalasynda barlyq sanattaǵy azamattarǵa tegin qazaq tili kýrstarynyń tórtinshi maýsymy bastaldy, dep habarlaıdy Ravlodarnews.kz.

Kýrsty uıymdastyrýshy oblystyq mádenıet, tilderdi damytý jáne arhıv isi basqarmasynyń málimetinshe, elimizdegi COVID-19 indetiniń taralýyna baılanysty tyńdaýshylar qashyqtyqtan oqý júıesine kóshken. Tyńdaýshylar «ZOOM» qosymshasy arqyly kýrstarǵa qatysyp, búgingi kúni atalǵan sharalar jalǵasyn tabýda.

«Kýrstyń maqsaty – qazaq tiliniń orfografııalyq, fonetıkalyq, morfologııalyq, leksıkalyq normalaryn úıretý. Oqytý barysynda tyńdaýshylar kúndelikti ómirde kezdesetin qarapaıym qarym-qatynas frazalaryn qoldanýdy, qarapaıym mátinderdi aýdarýdy, sýretke qarap sóılemder qurastyrýdy, óziniń qaıda turatyny, jumysy men ózine tanys adamdar týraly jaı sóılemderdi qurastyrýdy úırenetin bolady», - deıdi basqarmada.

Oblystyq til saıasatyn iske asyrý jónindegi is-sharalar jospary sheńberinde jyldyń sońyna deıin qazaq tiline 440 barlyq sanattaǵy azamatty oqytý josparlanǵan.
Kýrstyń sońynda tyńdaýshylarǵa sertıfıkat tabystalatyn bolady.
Tegin qazaq tili kýrstaryna Pavlodar qalasy, Ak.Marǵulan kóshesi, 115 mekenjaı nemese 618488 telefon nómiri arqyly jazylýǵa bolady.