Pavlodarda tas jáne buqa kóterýden jarystar ótedi
Uıymdastyrýshylardyń aıtýynsha, bul kúnderi pavlodarlyqtar men óńir qonaqtary úshin kelesi sport túrlerinen jarystar ótetin bolady: aýdaryspaq - 80 kelige deıin jáne 80 keliden joǵary salmaq dárejesinde; teńge alý; 90 keliden astam absolıýtti salmaq dárejesinde eresekter arasynda qazaq kúresi; kókpar (úlgilik óner kórsetýler); asyq atý; qusbegilik (úlgilik óner kórsetýler); tas kóterý; buqa kóterý; gir sporty: 80 kelige deıin jáne 80 keliden joǵary salmaq dárejesinde; armrestlıng: 80 kelige deıin jáne 80 keliden joǵary salmaq dárejesinde; arqan tartý.
Sondaı-aq «Uly dala eli» festıvalinde kishkentaı búldirshinder úshin de ártúrli alańdar uıymdastyrylady. «Búldirshin álemi» segiz alańnan turatyn bolady: «Kel shyrqaıyq!», «Etnoaýyl», «Bala barysy», «Arqan tartý», «Hantalapaı», «Toǵyzqumalaq COLD», «Máńgilik el» sýreti», «Shyǵarmashylyq MІH».
«Etnoaýyl» alańynda tórt kıiz úı ornatý josparlanýda (Ekibastuz qalasy, Qashyr, Pavlodar, Sharbaqty aýdandarynyń bilim berý bólimderi). Balalar qazaq halqynyń turmysymen, dástúrlerimen tanysady, pedagogtar ulttyq shyǵarmashylyq, ashana jáne ádet-ǵuryptar boıynsha sheberlik sabaqtaryn ótkizedi. «Bala barysy» alańynda 10-16 jas aralyǵyndaǵy balalar arasynda «Qazaqsha kúresten» jarystar uıymdastyrylady. «Arqan tartý» men «Hantalapaı» alańdarynda týrnırler ótedi. «Toǵyzqumalaq GOLD» alańynda bir ýaqytta toǵyzqumalaq boıynsha 10 ústelde oıyn seansy uıymdastyrylatyn bolady. «Rýhanı jańǵyrý» sýreti» alańynda Qazaqstan Táýelsizdiginiń 25 jyldyǵyn beıneleıtin 25 metrlik kenepte «Týǵan jer» taqyrybynda úzdik sýret konkýrsy ótedi. «Shyǵarmashylyq MIX» alańynda oqýshylar saraıy, № 1,2 kórkem sýret mektepteri, Pavlodar qalasynyń balalar tehnıkalyq mektebiniń qosymsha bilim berý pedagogtarymen bıser órý, kıiz basý, tigý, ulttyq naqyshta toqý boıynsha sheberlik sabaqtary ótkiziledi. «Relax alańynda» ulttyq oıyndardyń demonstratsııasy, sonymen qatar kóńildi estafetalar jáne jarystar ótedi.