Pavlodarda suly ónimin qymbatqa satqan dúkender jelisine qomaqty aıyppul salyndy

<p>PAVLODAR. KAZINFORM - Jergilikti dúkenderdiń biri baǵasy 195 teńge turatyn suly qaýyzyn 405 teńgege satqan. Óziniń aldanyp qalǵan túsingen tutynýshy óńirlik saýda jáne tutynýshylardyń quqyqtaryn qorǵaý departamentine shaǵym túsirdi.</p>

Pavlodar qalasynyń turǵyny suly jarmasyn óz baǵasynan 210 teńgege qymbatqa satqan dúkenniń ústinen shaǵymdanǵan. Óńirlik saýda jáne tutynýshylardyń quqyqtaryn qorǵaý departamenti soǵan sáıkes kásipkerlik sýbektisine kezekten tys tekseris júrgizdi.

- Satyp alýshyǵa baǵasy 195 teńge turatyn suly qaýyzy 405 teńgege berilgeni anyqtaldy. Departament tutynýshynyń shaǵymyna sáıkes, dúkender jelisine tekseris júrgizip, nátıjesinde birqatar zań buzýshylyqtar anyqtaldy. Ákimshilik quqyq buzýshylyq týraly hattama toltyrylyp, kemshilikterdi joıý týraly uıǵarym jiberildi. Saýda jelisine 369 200 teńge aıyppul salyndy,-dep habarlady Óńirlik saýda jáne tutynýshylardyń quqyqtaryn qorǵaý departamentinen.

Eske sala keteıik, taýar sapasyna kóńili tolmaǵan tutynýshylarǵa 777 mln teńge qaıtaryldy.