Pavlodarda sý tasqynynan zardap shekkender ótemaqy alyp jatyr

<p>ASTANA. KAZINFORM &ndash; Pavlodarda oblysynda sý tasqynynan zardap shekken jandarǵa jan-jaqty kómek kórsetiledi. Bul týraly Pavlodar oblysynyń ákimi Asaıyn Baıhanov málim etti.</p>

«Sý tasqyny kezinde zardap shekken barlyq turǵynǵa jan-jaqty kómek kórsetiledi. Arnaıy komıssııa keltirilgen zalaldy baǵalap, onyń qorytyndysy 10 sáýirge deıin daıyn bolady. Osylaısha zardap shekkenderge bıýdjetten tys qorlardan ótemaqy tólenedi. Taǵy da aıta keteıin, sý tasqyny kezinde zardap shekken jandar nazardan tys qalmaıdy. Búginde oblystyń basqa aýdandarynda bıýdjetten tys qarajattan 38 mln teńgege sý tasqynynan múlki zardap shekken 71 adam ótemaqy aldy», - dedi Asaıyn Baıhanov Ortalyq kommýnıkatsııalar qyzmeti alańynda ótken baspasóz máslıhatynda. 

Sondaı-aq, óńir basshysy osy aptada zardap shekkenderge 100 AEK mólsherinde birjolǵy memlekettik áleýmettik tólem óteletinin aıtty. 

Pavlodardaǵy Uzynsý aýylyn topan sýdan qorǵaý úshin buzylǵan jol qalpyna keltirildi. 

Aıta ketsek, búgin Pavlodardyń Jalaýly aýylynda jarııalanǵan tótenshe jaǵdaı rejımi alynyp tastaldy. 

Óńirdegi jaǵdaı turaqtalýyna baılanysty pavlodarlyq qutqarýshylar kórshi óńirge kómekke attandy.