Pavlodarda stýdent qyz jataqhanada ózine qol jumsady
15:30, 30 Sáýir 2024
<p>PAVLODAR. KAZINFORM- Polıtsııa ózin-ózin óltirýge jetkizý baby boıynsha qylmystyq is qozǵady. Qyz bala jergilikti oqý ornynda bilim alǵan.</p>
Oblys ortalyǵyndaǵy joǵary oqý oryndarynyń birine qarasty jataqhanadan stýdent qyz óli kúıinde tabylǵany týraly aqparat áleýmettik jelini sharlap ketti.
Pavlodar oblysy polıtsııa departamentiniń baspasóz qyzmeti atalǵan faktini rastady.
«2024 jylǵy 20 sáýirde QR Qylmystyq kodeksiniń 105-baby boıynsha sotqa deıingi tergeý bastaldy. Qylmystyq protsessýaldyq kodekstiń 201-babyna sáıkes ózge málimetter jarııa etýge jatpaıdy» dep málimdedi baspasóz qyzmetinen.
Eske sala keteıik, Pavlodarda jasy 80-nen asqan zeınetker kishkentaı qyz balalarǵa azǵyndyq jasaǵanyn habarlaǵan edik.