Pavlodarda skýterge mingen eki jasóspirim Kamazǵa soǵylyp kóz jumdy

<p>PAVLODAR. KAZINFORM — Jantúrshigerlik jol-kólik apaty Pavlodar-Aqsý avtojolynda bolǵan. Aýyr jaraqat alǵan eki jasóspirim de qaıtys boldy.</p>

Pavlodar oblysy polıtsııa departamenti jergilikti polıtsııa qyzmetiniń bastyǵy Qýanysh Mustafınov habarlaǵandaı, Pavlodar-Aqsý avtojolynda 15 jasar eki jasóspirim mingen skýter Kamazǵa soǵylǵan.

«Apat saldarynan tehnıka rýlinde otyrǵan bala sol jerde til tartpaı ketken. Al ekinshisi jedel járdem kóligimen Pavlodar qalasyndaǵy № 1 aýrýhanaǵa jetkizilgen. Alaıda alǵan jaraqaty aýyr bolyp, aýrýhanada kóz jumdy», -dep málimdedi polıtsııadan.

Oblystyq jedel járdem stantsııasynyń ókilderi kólik apaty joldyń Qarabaı aýyly aýmaǵynda bolǵanyn aıtady.

Eki jedel járdem brıgadasy jumyldyrylyp, olar oqıǵa ornyna 9 mınýtta jetken.

Ókinishke qaraı, medıtsına qyzmetkerleri eki jasóspirimniń de ómirin saqtap qala almaǵan.

Atalǵan oqıǵa boıynsha polıtsııa qylmystyq is qozǵady. Jol-kólik apatynyń sebep-saldary jiti tekserilip, sot-medıtsınalyq saraptama taǵaıyndaldy.

Eske sala keteıik, Oralda jol apatynan skýter júrgizýshisi qaza tapqan edi.