Pavlodarda shybyn-shirkeı qaptasa, WhatsApp-qa jazyp dezınfektorlardy shaqyrýǵa bolady
«Men qala jáne aýdan ákimderimen jáne de osy jumysqa tartylǵan búkil taraptarmen kún saıyn baılanystamyn. Biz jumystyń aralyq nátıjelerin únemi taldap otyramyz jáne qajet bolǵan jaǵdaıda josparlardy tez arada túzetemiz. Keshe, mysaly, kelesi eki sheshimge keldik. Birinshisi – biz qoljetimdiligi qıyn jerlerde qosymsha aýadan barerlik óńdeýdi júrgizemiz. Bizde jaqyndaýǵa jáne júzip jetýi qıyn birneshe erekshe kúrdeli jerler bar. Olardy ushaqtan óńdeımiz» dep jazdy ákim Instagram paraqshasynda.
Onyń aıtýynsha, bul - ádettegi avıaóńdeý emes, barerlik óńdeýdiń osyndaı jańa tásili. Barlyq shyǵyndar – bekitilgen bıýdjet sheńberinde. Sonymen qatar, ózendegi shybyn-shirkeıdi óńdeý jalǵasyp jatyr.
«Ekinshi sheshim sizderdiń ótinishterińizge baılanysty. Merdigerler kelip túsken habarlamalar men pikirlerge naqty jaýap berýge daıyn. Naqty kóshelerge, shaǵyn aýdandarǵa jáne qoǵamdyq oryndarǵa shyǵatyn bolady. Sondyqtan, jumystyń jyldam jáne tıimdirek bolýy úshin sizderge ótinishimiz bar. Ótinish bergen kezde, birinshiden, sizdiń eldi mekenińizdi, ekinshiden, shybyn-shirkeı asa kóp jınalǵan naqty oryndardy kórsetińizder. Ony tezirek jasaý úshin +7 705 165 5480 WhatsApp nómirine jazyńyzdar. @gnus.tabigat_pv komandasy sizderdiń habarlamalaryńyzdy kez kelgen ýaqytta qabyldaıdy» dep atap ótti Ábilqaıyr Sqaqov.