Pavlodarda shybyn-shirkeıge qarsy ýlaý jumystary shildeniń ortasyna deıin jalǵasady

<p>PAVLODAR. KAZINFORM - Bıyl óńirdegi dezınsektsııalyq is-sharalar aýmaǵy is júzinde eki esege, ıaǵnı 71,5 myń gektardan 127 myń gektarǵa ulǵaıtyldy. Osy ýaqytqa deıin Ertis ózeniniń jaıylmalaryn ýlaý úshin 8 ushaq jalpy sany 326 ret áýege kóterilgen.</p>

Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń bas mamany Janel Asaıynova Kazinform tilshisine bergen suhbatynda, qazirgi ýaqytqa deıin Ertis ózeni jaıylmalarynyń 125,2 myń gektary hımııalyq óńdeýden ótkenin habarlady.

Merdiger kompanııa ózen boıymen jalpy uzyndyǵy 1 800 shaqyrym bolatyn aýmaqty úsh márte áýeden óńdep shyqty. Al, 59 aýyldyq eldi mekende barerlik óńdeý júrgizilip jatyr. Óńdeý kólemi men aýdandary edáýir ulǵaıǵanyn eskersek, bıologııalyq jáne hımııalyq preparattardyń kólemi de artqan. Atap aıtqanda 157 tonna bıologııalyq jáne 11,4 myń lıtr hımııalyq preparat qarastyrylǵan. Bul is-sharalarǵa oblystyq bıýdjetten 2,9 mlrd teńge bólingen edi. 

Foto: Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasy

Óńdelgen aýmaqtardy kólemine qaraı bóletin bolsa, mynadaı tsıfrlar shyǵady:

Pavlodar qalasy – 31,9 myń gektar, Aksý qalasy aýmaǵy – 15 myń gektar, Tereńkól aýdany – 19,6 myń gektar, Aqtoǵaı aýdany – 19,6 myń gektar, Pavlodar aýdany– 29,5 myń gektar, Ertis aýdany – 9,2 myń gektar, Jelezın aýdany– 384 gektar.

«Bıyl kóktemde Ertis arnasynan shyqqannan bastap ǵylymı toptyń súıemeldeýimen shybyn-shirkeılerdiń damýy zertteldi. Sonyń nátıjesinde merdiger uıymǵa óńdeý jumystary boıynsha nusqaýlyqtar berilip otyrdy. Kóktemniń salqyn bolýy qansorǵysh jándikterdiń dernásilderiniń damýynyń biraz tejelýine yqpal etti. Osyny paıdalanyp merdiger uıym tolyǵymen óńdeý jumystaryn júrgizdi. Áýeli bıologııalyq preparatpen, al, sý arnasyna kirgen soń shalshyq sýlar hımııalyq preparatpen óńdeldi. Avıa jáne jaıaý óndeýshilerdiń arqasynda preparattardyń tıimdiligi 90%-dan joǵary kórsetkishke qol jetkizdi. Qazirgi kezde qoljetimsiz (jaıaý jáne avıatsııamen óndeýge múmkindik joq) jerlerden qanattanyp ushyp shyqqan shybyn-shirkeıge qarsy barerlik óńdeý jumystary júrgizilip jatyr», - deıdi J.Asaıynova.

Foto: Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasy

Ǵylymı toptyń fenologııalyq baqylaýlary kúndelikti negizde júrgiziledi. Olardyń boljamy boıynsha sý mólsheriniń kóp bolýyna baılanysty óńdeý jumystary shilde aıynyń ortasyna deıin jalǵasýy múmkin. Qazirgi tańda Ertis ózeńiniń jaǵalaýynda ornalasqan eldi mekenderde sary masaǵa qarsy barerlik óńdeý jumystary jalǵasyp jatyr. 

Eske sala keteıik, buǵan deıin Pavlodarda shybyn-shirkeı qaptap, aýyl turǵyndarynyń qutyn qashyryp jatqany týraly jazǵan edik.