Pavlodarda shahmattan Senat Open ashyq kýbogynyń irikteý kezeńi ótti

<p>PAVLODAR. KAZINFORM - Pavlodardaǵy jartylaı fınal oıyndaryna Aqmola, Qostanaı, Pavlodar jáne Soltústik Qazaqstan oblystarynyń irikteý týrlarynan sátti ótken áýesqoı shahmatshylar qatysty. &laquo;Soltústik&raquo; tobyndaǵy úzdik 25 oıynshy bıylǵy tamyz aıynda Astanada ótetin Senat Open fınalyna qatysý úshin joldama alady.</p>

Pavlodardaǵy Dostyq úıinde «Senat Open» ashyq kýbogynyń jartylaı fınaly ótti. Týrnır alǵash ret Parlament Senatynyń bastamasymen uıymdastyrylyp, elimizdiń barlyq óńirin qamtydy. 

Foto: Valerıı Býgaev

Oblys ákimi Asaıyn Baıhanov shahmattan Parlament Senatynyń ashyq kýbogyna qatysýshylardy quttyqtap, sáttilik tiledi.

«Chempıonat tartysty ótip, kóptegen mazmundy partııalardyń kýási bolatynymyzǵa senimdimin. Týrnır Astana kúnine oraı uıymdastyrylyp otyr. Barlyq qatysýshylardy aıtýly merekemen quttyqtaımyn. Barlyq qatysýshylarǵa sáttilik jáne jeńister tileımin», - dedi aımaq basshysy.

Jartylaı fınal oıyndaryna Aqmola, Qostanaı, Pavlodar jáne Soltústik Qazaqstan oblystarynyń irikteý týrlarynan sátti ótken áýesqoı shahmatshylar qatysty. Jartylaı fınaldar aımaqtyq prıntsıp boıynsha qalyptasady – soltústik, ońtústik, batys, shyǵys jáne ortalyq. «Soltústik» aımaqtaǵy úzdik 25 oıynshy bıylǵy tamyz aıynda Astanada ótetin Senat Open fınalyna qatysý úshin joldama alady.

Eske sala keteıik, shahmattan álem chempıony Qazybek Nógerbekke eki bólmeli páter tabystaldy.