Pavlodarda shaǵyn «Gazelderdi» úlken avtobýstar almastyryp jatyr

<p>PAVLODAR. KAZINFORM - Kerekýde qoǵamdyq kólikter jańaryp jatyr. Byltyr oblysqa lızıng arqyly 200-den asa avtobýs satyp alynsa, bıyl bir ǵana Pavlodar qalasyna jańadan 50 avtobýs alynýy kerek.</p>

Oblys ortalyǵyndaǵy jolaýshylar tasymalyn uıymdastyratyn iri kompanııa - «№ 1 avtobýs parki» JShS jalpy syıymdylyǵy 56 adamǵa arnalǵan birinshi sanattaǵy Isuzu markaly avtobýstaryn satyp aldy. Osy aptada alǵashqy 30 avtobýs jetkizildi. Qoǵamdyq kólikterde jolaýshylarǵa yńǵaıly jaǵdaı jasalǵan. Múmkindigi shekteýli azamattardyń minip-túsine arnalǵan apparelmen, salqyndatqyshpen jáne taǵy basqa qajetti qural-aspaptarmen jabdyqtalǵan.

Jańa avtobýstar №115 jáne №126 baǵyttar boıynsha qala kóshelerine shyǵady. Buǵan deıin atalǵan baǵyttardyń jumysyna qatysty qala turǵyndarynan shaǵym jıi túsken. Ári bul baǵytta «Gazel» shaǵyn avtobýstary júrip júrgen edi. Endi №115 baǵytta - 10 avtobýs jáne №126 baǵytta 16 avtobýs júretin bolady. Al 4 avtobýs rezervte bolady. Qozǵalys aralyǵy 2 ese qysqaryp, 10 mınýtty quraıdy.

Qala turǵyndaryna yńǵaıly bolý úshin qoǵamdyq kólikti jańartý tájirıbesi basqa da avtoparkterde, sondaı-aq, tramvaı deposynda júzege asyrylýy tıis degen talap qoıylyp otyr. Pavlodar tramvaı basqarmasy jańadan 70 tramvaı satyp alýdy josparlap qoıdy.

Eske sala keteıik, Pavlodarlyq ǵalymnyń pikirinshe, sheteldiń elektrli kólikterin, sonyń ishinde qoǵamdyq kólikterdi Qazaqstanda shyǵarýǵa bolady.