Aqsý qalasyndaǵy saýda úıinde batýt órtendi

<p>ASTANA. KAZINFORM - Aqsýda saýda úıinde batýt órtendi. Oqıǵa tańerteń, saýda úıi jumys istemeı turǵan ýaqytta bolǵan. Bul týraly óńirlik tótenshe jaǵdaılar departamentiniń baspasóz qyzmeti habarlady.</p>

«Tótenshe jaǵdaı qyzmetine búgin tańerteńgilik Aqsý qalasynyń Mámetova kóshesi, 11 mekenjaıyndaǵy saýda úıinde batýt órtenip jatqany týraly habarlama tústi. Oqıǵa ornyna TJD jeke quramynan 10 adam men 2 tehnıka dereý jetti. Órt sóndirý bólimsheleri tútinniń 2-qabattan shyǵyp jatqanyn anyqtady. Saýda úıinde adam bolmaǵan», - dep málimdedi departamentten.

Saǵat 09:12-da órt tolyǵymen sóndirildi. Órttiń shyǵý sebebi anyqtalýda.