Pavlodarda samokat tepken balany kólik qaqty

PAVLODAR. QazAqparat – Pavlodarda samokat teýip bara jatqan balany kólik qaqty, dep habarlaıdy QazAqparat Pavlodarnews.kz saıtyna silteme jasap.

Kataev-Estaı kósheleriniń qıylysynda samokat teýip bara jatqan balany kólik qaqqany týraly oqıǵaǵa kýá bolǵandar habarlady.

Áleýmettik jelide jarııalanǵan vıdeodan bala jol boıyna shyqqanyn kórýge bolady.

Jedel járdem qyzmeti shaqyrý jasalǵannan keıin jeti mınýtta oqıǵa ornyna jetken. 12 jasar bala oblystyq balalar aýrýhanasyna jatqyzyldy.

«Naýqastyń bas mıynyń jabyq jaraqaty, bas mıynyń shaıqalǵany, basynyń kógergeni, arqasy men aıaǵy kógergeni jáne terisiniń sydyrylǵany anyqtaldy», - dedi oblystyq densaýlyq saqtaý basqarmasynda.

Dárigerlerdiń aıtýynsha, balanyń jaǵdaıy ortasha dárejede.