Pavlodarda psıhotroptyq jáne esirtki zattarynyń zańsyz aınalymynyń 18 faktisi anyqtaldy
Oblys aýmaǵynda «Dármek» jedel-profılaktıkalyq is-sharasy ótkizildi. Polıtseıler esirtki men psıhotroptyq zattardyń kontrabandalyq jetkizilýin, sondaı-aq baqylaýdaǵy zattardyń zańsyz aınalymǵa ótip ketý faktilerin anyqtady. Zańsyz aınalymnyń 18 faktisi, onyń ishinde esirtki ótkizý, farmatsevtıkalyq qyzmet qaǵıdalaryn buzý derekteri belgili boldy.
— Emdeý-aldyn alý mekemelerin tekserý kezinde esirtki jáne psıhotroptyq zattarmen jumys isteý erejelerin buzý anyqtaldy. Nátıjesinde 330 «morfın» ampýlasy, 916 «tramadol» tabletkasy jáne 184 transdermaldy patch tárkilendi. Barlyǵy 152 kılogramm aınalymnan alyndy, — dep habarlady Pavlodar oblysy polıtsııa departamenti esirtki qylmysyna qarsy is-qımyl boıynsha basqarmasynyń bastyǵy Tımýr Qarjaýbaev.
Sonymen qatar oblystyń ónerkásiptik obektileriniń biriniń aýmaǵynda da zań buzýshylyqtar aıqyndaldy. Prekýrsorlarmen jumys isteý qaǵıdalaryn buza otyryp saqtalǵan 137 tonnadan astam tuz jáne 14 tonna kúkirt qyshqyly tabylyp, tárkilendi. Esirtki jáne psıhotroptyq zattar aınalymy salasynda jumys isteıtin 46 farmatsevtıkalyq jáne medıtsınalyq qyzmet sýbektisi, 96 dárihana, sondaı-aq qoımalar, ónerkásiptik kásiporyndar men emdeý-aldyn alý mekemeleri tekserildi.
Eske sala keteıik, jyl basynan beri polıtseıler 17 tonnadan astam esirtki tárkiledi.