Pavlodarda prokýratýranyń aralasýymen fermer qolǵa alǵan joba jalǵasyn tapty
21:05, 24 Qańtar 2024
<p>PAVLODAR. KAZINFORM – «BIK» sharýa qojalyǵy 500 basqa arnalǵan taýarly sút fermasyn salý kezinde qarjylaı qıyndyqqa urynǵan. Prokýratýranyń súıemeldeýimen sharýa qajet nesıege qol jetkizdi.</p>
Ýspen aýdanyndaǵy «BIK» ShQ turǵyzyp jatqan taýarly sút fermasy ashylsa, onda jańadan 20 adamǵa jumys tabylady. Jobanyń jalpy quny 3,1 mlrd teńgege baǵalanyp otyr.
Nysandy salý kezinde ınvestor memlekettik qaryz alý problemasyna tap boldy. Aýdan prokýratýrasy kásipkerdiń ótinishi boıynsha ýákiletti memlekettik organdardyń qatysýymen vedomstvoaralyq keńes uıymdastyrǵan. Onyń nátıjesinde ınvestorǵa nesıe resimdeý jáne qajetti qujattardy jınaý máseleleri boıynsha járdem kórsetildi.
Nátıjesinde sharýa qojalyǵyna 500 mln teńge somasynda nesıe qarajaty berildi (birinshi transh).
Bul aqshaǵa ınvestor Reseıden jáne Eýropa elderinen qajetti qurylys materıaldaryn satyp alýdy josparlap otyr.