Pavlodarda júk poıyzy 4 jylqyny qaǵyp ketti

<p>PAVLODAR. KAZINFORM - Júk poıyzy shuǵyl toqtaýǵa májbúr bolǵan. Janýarlardyń ıesi ákimshilik jaýapkershilikke tartyldy.&nbsp;</p>

Kóliktegi polıtsııa departamentiniń baspasóz qyzmeti habarlaǵandaı, oqıǵa Jumysker-Kóktóbe stansalarynyń aralyǵynda bolǵan. Júk poıyzynyń mashınısi kenetten shyǵa kelgen jylqylardy kórip, shuǵyl túrde toqtaǵan. Relsti kólik tórt jylqyny qaǵyp ketken.

«Qaqtyǵysý saldarynan júk poıyzy jolda jarty saǵattaı turyp qaldy. Pavlodar stansasyndaǵy jelilik polıtsııa bóliminiń qyzmetkerleri jylqylardyń ıesin izdep tapty. Ol 45 jastaǵy jergilikti turǵyn bolyp shyqty. Azamat maldy temirjol boıynda baqqany úshin ákimshilik jaýapkershilikke tartylyp, 5 aılyq eseptik kórsetkish kóleminde aıyppul belgilendi», - dep málimdedi baspasóz qyzmetinen.

Kóliktegi polıtsııa departamenti jyl basynan elimiz boıynsha poıyzdardyń shuǵyl toqtaýyna qatysty 464 fakti tirkelgenin aıtady. Sondaı-aq osy ýaqytqa deıin temirjoldar boıynda úı janýarlarymen soqtyǵysýdyń 369 oqıǵasy bolǵan.