Pavlodarda polıtsııaǵa 4 aıda adam joǵalǵany týraly 118 ótinish túsken

<p>PAVLODAR. KAZINFORM - Pavlodar oblysynyń polıtsııasyna jyl basynan azamattardyń habar-osharsyz ketkeni týraly 118 ótinish kelip túsken. Jedel ýákilderdiń kúshimen 115 azamattyń ornalasqan jeri anyqtalyp, tez arada tabylǵan.</p>

- Adamdardyń joǵalýynyń basty sebebi – alkogolge táýeldilik. Sondaı-aq otbasyndaǵy shıelenisti qarym-qatynastar da úlken áser etetini baıqalady. Keıbiri óz josparlary týraly eshkimdi habardar etpeı ketip úıden ketip qalady, - deıdi óńirlik polıtsııa departamenti krımınaldyq polıtsııa bastyǵynyń orynbasary Arshat Jamıev.

Máselen, bıylǵy 11 mamyr kúni Pavlodar qalasyna qarasty Jańaaýyl kentindegi sharýa qojalyqtarynyń birinen 36 jastaǵy áıel anyqtaldy. Ol kórshi aýylǵa ketip, jumysqa ornalasqan. Alaıda týystarymen baılanysqa shyqpaǵan. Sebebi olarmen aralasqysy kelmegen jáne ata-anasynan bólek turǵysy kelgen.

Eske sala keteıik, Jambyl oblysynda jyl basynan beri 70-ten astam joǵalǵan jasóspirim tabylǵan.