Pavlodarda polıtsııa bóliminiń bastyǵy áriptesin urdy dep aıyptaldy

<p>Pavlodarda bir polıtseı ekinshisin soqqyǵa jyqqan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bul aqparat birqatar BAQ resýrstarynda tarady. Keıbireýi taıaq jegen tergeýshiniń áıel ekenin jazdy. 

Osy jaǵdaıǵa oblystyq polıtsııa departamentiniń bastyǵy Vasılıı Sklıar áleýmettik jelide túsinik berdi. 

Onyń aıtýynsha, 13 qazan kúni Pavlodar qalalyq polıtsııa basqarmasy Soltústik polıtsııa bóliminiń tergeýshisinen osy bólim bastyǵynyń orynbasaryna shara qoldaný týraly ótinish túsken.

«Meniń tapsyrmammen polıtsııa departamenti atalǵan fakti negizinde qyzmettik tergeý bastady. Bolǵan oqıǵanyń mán-jaıy men sebepteri tekserý barysynda anyqtalady» dep jazady Vasılıı Sklıar.

Qyzmettik tergeýdiń nátıjesi boıynsha polıtsııa qyzmetkeriniń áreketine quqyqtyq baǵa beriledi.