Pavlodarda pııaz, kartop jáne qyryqqabat arzandady

<p>PAVLODAR. KAZINFORM &ndash; Óńirde áleýmettik mańyzy bar azyq-túlik taýarlarynyń baǵa ındeksi tómendegen. Al, makaron ónimderi men kúrishtiń baǵasy kerisinshe shekti mánnen asqan.&nbsp;</p>

Pavlodarda pııaz 10%-ǵa, kartop 8%, qyryqqabat 22%-ǵa arzandady. Sondaı-aq kúnbaǵys maıynyń baǵasy da shamamen 3-5%-ǵa tómendegen. 

Óńirlik ákimdiktiń dereginshe, búgingi tańda turaqtandyrý qorynda 13,9 myń tonna ónim bar. Turaqtandyrý qorynan ónimderdi alý jumystarynyń baıaý júrgizilip jatqany baıqalady. Barlyq ákimge, sonyń ishinde Tereńkól, Pavlodar, Aqtoǵaı jáne Sharbaqty aýdandarynyń ákimderine osy baǵyttaǵy jumystardy jandandyrý mindetteldi. 

«Jyl basynan beri barlyq baǵa tizbegi boıynsha deldaldyq shemalardy tergeý komıssııasy 64 deldaldy joıdy. Sonymen qatar statıstıka derekteri boıynsha makaron baǵasynyń jáne 6 aýdanda kúrish baǵasynyń shekti mánnen asýy tirkeldi. Ónimderdiń árbir túrin talqylaǵannan keıin oblys ákimi 15% saýda ústemesiniń saqtalýyn baqylaýdy kúsheıtýdi, ár senbi saıyn aýyl sharýashylyǵy jármeńkelerin ótkizýdi tapsyrdy», - dep habarlady Pavlodar oblysy ákiminiń baspasóz qyzmetinen.

Eske sala keteıik, elimizde azyq-túliktiń baǵa ındeksi bir aptanyń ishinde 0,1% tómendedi.