Pavlodarda ózenge batyp ketken kópir qalpyna keltirildi

<p>PAVLODAR. KAZINFORM - Kóktas aýyly mańynda Belaıa ózenine batyp ketken pontondy kópir sýdan shyǵaryldy. Qazir ýaqytta tehnıkalar arǵy betke ótip, turǵyndardyń mal azyǵyn daıyndaýyna múmkindik berip tur.</p>

Bıylǵy shilde aıynda Aqsýdyń aýyldyq aımaǵynda ózen arqyly ótetin pontondy kópir sýǵa batyp ketti. Jergilikti bılik ózennen adamdar men tehnıkalardyń ótýi úshin ýaqytsha parom qatynasyn uıymdastyrǵan.

Aqsý qalasynyń ákimi Nurlan Dúısembınov kópirdiń qalpyna keltirilgenin habarlady. Bul iske iri óndiristik kásiporyndar kómektesken.

- Salmaǵy 110 tonnalyq pontondy kópirdi ózenniń túbinen joǵaryǵa kóterip, jaǵaǵa shyǵardyq. Odan soń qalpyna keltirip, burynǵy ornyna ornatyldy. Igi iske jumylyp, jumysty atqaryp shyqqan qalaquraýshy kásiporyndar - «EEK» AQ jáne Aqsý ferroqorytpa zaýytynyń basshylyǵyna alǵysymyzdy bildiremiz, - dedi shahar basshysy.

Búginde kópir ústimen tehnıkalar júre bastaǵan. Sonyń arqasynda sharýalar araldan shóp shaýyp, tórt túliktiń qysqy azyǵyn qamdap jatyr.

Buǵan qosa jergilikti bıýdjetten jańa pontondy kópir salýǵa joba-smetalyq qujattamasyn ázirleý úshin qarajat bólingen.

Eske sala keteıik, Pavlodarda aýyl turǵyndary paıdalanyp otyrǵan pontondy kópir ózenge batyp ketti.