Pavlodarda órtengen mektep oqýshysy aýrýhanaǵa tústi

PAVLODAR. QazAqparat – Pavlodardaǵy búgin órtengen №28 mektep oqýshysy medıtsınalyq kómekke júgindi. Oqýshy aýrýhananyń somatıkalyq bólimine jatqyzyldy, dep habarlaıdy QazAqparat tilshisi.

«Oblystyq balalar aýrýhanasyna saǵat 19:28-de 8 «v» synyp oqýshysy tústi. Ol 2007 jyly týǵan, №28 mektepte oqıdy jáne órt shyqqan kezde sabaqta bolǵan. Evakýatsııadan keıin úıine qaıtqan. Sosyn aýrýhanaǵa protsedýraǵa baryp, qaıtadan úıine barǵan kezde basy aýyratynyn sezingen», - deıdi Pavlodar qalalyq bilim bóliminen.

Bilim bóliminiń málimetine sáıkes, ata-anasy jedel járdem shaqyrtqan. Qyz bala aýrýhananyń somatıkalyq bólimine jatqyzyldy. Qazir onyń densaýlyǵy bir qalypty.

Eske salsaq, Pavlodarda mekteptiń 200 sharshy metr aýmaǵy órtenip ketti.

Órt shyqqan mektepte muǵalim zardap shekti. Órt aýmaǵy 6 esege ósti .

Pavlodardaǵy órtten keıin Bilim mınıstrligi barlyq mektepterdi tekseredi .