Pavlodarda ortalyq jaǵajaıda sýǵa batyp ketken stýdenttiń múrdesi tabyldy

<p>PAVLODAR. KAZINFORM - Ertis ózenine batyp ketken jas jigittiń múrdesi 2 táýlikten soń tabyldy. Ony jedel-qutqarý jasaǵynyń qyzmetkerleri sýdan alyp shyqty.</p>

Buǵan deıin jazǵanymyzdaı, Pavlodar oblysynda bir táýlikte úsh adam sýǵa batyp ketti.

28 maýsym kúni saǵat 00:58-de Toraıǵyr kólinde 2011 jáne 2013 jyly týǵan aǵaıyndy eki jasóspirim sýǵa túsýge tyıym salynǵan jerde sýǵa batyp ketti. Olardyń múrdesin qutqarýshylar kóp uzamaı taýyp, jaǵaǵa shyǵarǵan. Al Pavlodardaǵy Ortalyq jaǵajaıda Ertis ózenine shomylýǵa baryp, tilsiz jaýdyń qurbany bolǵan stýdenttiń múrdesin qutqarýshylar arada eki táýlik ótkende tapty.

«28 maýsym kúni saǵat 16.00-de Ortalyq jaǵajaıda 2005 jyly týǵan jas jigittiń sýǵa batqany týraly aqparat tústi. Juma kúnnen beri izdeý jumystary jalǵasyp keldi. Búgin keshkilik kýágerlerdiń baıqaýymen marqumnyń múrdesi tabylyp, jedel-qutqarý jasaqtary sýdan alyp shyqty», - dep málimdedi Pavlodar oblysy Tótenshe jaǵdaılar departamentiniń baspasóz qyzmetinen.

Eske sala keteıik, buǵan deıin Pavlodarda eki jigit sýǵa batyp ketti.