Pavlodarda órt sóndirýshiler er adamdy janyp jatqan úıden alyp shyqty

<p>PAVLODAR. KAZINFORM - Qutqarýshylar buǵan qosa órtenip jatqan úıden gaz ballonyn alyp shyqqan. Er adam aýrýhanaǵa jatqyzyldy.</p>

Bul týraly óńirlik Tótenshe jaǵdaılar departamenti habarlady.

«25 aqpan kúni saǵat 20.21-de Pavlodar qalasynyń Ordjonıkıdze kóshesinde jeke úıdiń órtenip jatqany týraly habarlama kelip tústi. Shaqyrý ornyna órt sóndirý qyzmetiniń qyzmetkerleri jedel jetti. Belgili bolǵandaı, jalyn aýmaǵy 10 sharshy metrdi qamtyǵan, úı zattary men shatyr janǵan. 3-ÓSB qaraýyl bastyǵy Qaırat Bekseıitov pen bólimshe komandıri Baqtııar Nurmaǵambetov janyp jatqan úıden 1961 jyly týǵan er adamdy aman alyp shyqty. Qutqarylǵan azamat apattar medıtsınasy ortalyǵynyń qyzmetkerlerine tapsyrylyp, ári qaraı aýrýhanaǵa jatqyzyldy», - dep málimdedi Nótenshe jaǵdaılar departamentinen.

Al órt sóndirýshi Qaıyrgeldi Qarybaev úıden gaz ballonyn alyp shyqqan. Órt saǵat 21.01-de oqshaýlanyp, saǵat 21.26-da sóndirildi.

Foto: Pavlodar oblysy TJD

Órttiń sebebi men keltirilgen shyǵyn anyqtalyp jatyr. Oqıǵa ornynda jeke quramnan 17 adam jáne 4 birlik órt sóndirý tehnıkasy jumys istedi.