Pavlodarda órt sóndirýshiler otqa oranǵan páterden áıel adamdy alyp shyqty
Oblystyq TJD baspasóz qyzmetiniń málimetinshe, 9 shilde kúni saǵat 20.24-te Nazarbaev dańǵyly, 19 mekenjaıy boıynsha órt týraly habarlama túsken.
Shaqyrý ornyna kelgen gaz-tútinnen qorǵaý qyzmeti býynynyń quramyndaǵy № 4 órt sóndirý bóliminiń aǵa órt sóndirýshi-qutqarýshysy azamattyq qorǵaý serjanttary Elnur Rymbekov pen Marlen Abenov 1972 jyly týǵan páter ıesin baspaldaq marshy arqyly kóterip alyp shyqty.
«Áıel adam apattar medıtsına ortalyǵynyń qyzmetkerlerine tapsyryldy. Olar alǵashqy medıtsınalyq kómek kórsetip, Pavlodar qalasynyń № 1 aýrýhanasyna jatqyzdy. Bir bólmeli páterde dıvan, úı zattary jalpy alańy 6 sharshy metr jandy. Tilsiz jaý saǵat 20.40-ta sóndirildi, - deıdi departamentte.
Órt sóndirýshilerdiń batyl ári úılesimdi áreketteriniń arqasynda qaıǵyly jaǵdaıǵa jol berilmedi.
Oqıǵa ornynda jeke quramnan 17 adam jáne 5 tehnıka, apattar medıtsına ortalyǵy, «102», «103» qyzmetteri jumys istedi.