Pavlodarda oralmandardan aqsha jınaıtyn alaıaqtar paıda boldy
Bul týraly búgin «Nur Otan» partııasynyń oblystyq fılıalyndaǵy qoǵamdyq qabyldaýda bolǵan Qytaıdan kelgen qandasymyz Erjan Álimǵazy aıtty, dep habarlaıdy pavlodarnews.kz .
«Mundaı uıymdasqan alaıaqtar toby shetelden kóship kelgen aǵaıyndardyń orys tilin túsinbeıtinin jáne óz betterimen júrip, qaǵaz-qujattaryn bitire almaıtyndaryn paıdalanyp, ońaı jolmen aqsha tabýdy kózdeıd»,-deıdi Erjan Álimǵazy. Naqtyraq aıtqanda, «arzan baǵaǵa úı taýyp beremiz», «az ýaqytta qujat bitiremiz» jáne «1 mıllıon 200 myń teńge kóleminde aqsha bolsa úı salyp beremiz» degen jalǵan ýáde beredi. «Sondyqtan, alystan kelip jatqan barlyq qandastaryma alaıaqtarǵa aldanyp qalmaýǵa keńes beremin. Qandaı jaǵdaı bolsa da, quzyrly organdardan jáne memlekettik mekemelerden kómek suraý kerek. Sonymen qatar, alaıaqtyqqa zań júzinde tosqaýyl qoıý kerek». Qandasymyzdyń aıtýynsha, mundaı alaıaqtar toby negizinen Almaty óńirinde kóptep jınalyp, burynnan beri osyndaı deldaldyqpen aınalysyp júrgen. Tipti, Qytaıda turatyn týystaryna deıin whatsapp jelisi arqyly habarlasyp, osyny aıtqan. Biraq, habar taratqan adamdardyń naqty aty-jóni jáne qaıda qyzmet isteıtini belgisiz.
Erjannyń ótinish-tilegin tyńdaǵan «Nur Otan» partııasy men kóshi-qon polıtsııasynyń ókilderi mundaı qylmystyń aldyn alyp, zań júzinde tosqaýyl qoıatyndaryn jetkizdi.