Pavlodarda opyrylǵan shatyrdyń astynda qalǵan eki adam aýrýhanada jatyr

PAVLODAR. QazAqparat - Pavlodarda «Artýr» saýda úıiniń shatyry opyrylyp, eki adam sonyń astynda qalyp ketken, dep habarlaıdy QazAqparat tilshisi.

Pavlodar qalalyq aýrýhanasynyń baspasóz qyzmeti oqıǵadan zardap shekkenderdiń jaǵdaıyn aıtyp berdi. Eki naýqastyń da jaı-kúıi birqalypty.

«1971 jylǵy er adam ashyq bassúıek-mı jaraqatyn alǵan. Jaǵdaıy turaqty. 1975 jyly týǵan er adamda polıtravma boldy. Jaǵdaıy turaqty aýyr, oń aıaǵynyń súıekteri birneshe jerinen synǵan. Jansaqtaý bóliminde jatyr», - dep habarlady №1 Pavlodar qalalyq aýrýhanasy.

Oqys oqıǵa búgin túste bolǵan. Saýda ortalyǵy ǵımaratynyń búıir jabyny jazǵy dámhananyń ústine opyrylyp túsken.

Jergilikti atqarýshy organdardyń málimetinshe, jalpy qulaǵan aýmaq - 300 sharshy metr.

Eske sala keteıik, Pavlodarda nóser jaýynnan keıin qalanyń birneshe shaǵynaýdany jaryqsyz qaldy, baǵdarshamdar istemeı tur.